မြောက်ဦးမြို့ နန်းတော်ကုန်း၏ မြောက်ဘက်အနီး မြို့လယ်တွင် ပေ ၇၀ ခန့်မြင့်သော ဟရီတောင်ထိပ်၌ တည်ရှိသည်။ ကောဇာသက္ကရာဇ် ၁၁၁၂ ခုနှစ် (ခရစ်နှစ် ၁၇၅၀) တွင် ဘုရင် နရအဘယရာဇာသည် မြတ်စွာဘုရား၏ အရီတော်ဓာတ်ကို ဌာပနာ၍ တည်ထားကိုးကွယ်ခဲ့သည်။ အရီတော်ဓာတ်စေတီဟု ခေါ်တွင်ခဲ့ရာမှ ဟရီတောင်စေတီ ဖြစ်လာခဲ့သည်။ စေတီသည် အောက်ခြေလေးမြှောင့်ရှိပြီး ပစ္စယံအဆင့် ၃ ဆင့်ရှိသည်။ အပေါ်ပစ္စယံ ၂ ဆင့်တွင် မုခ်ဖွင့်ဂူငယ်နှင့် ဆင်းတုတော်တစ်ဆူစီ အရပ်လေးမျက်နှာသို့ မျက်နှာမူကာ ကိန်းဝပ်လျက်ရှိသည်။
