ဒဂုံမြို့သစ်(အရှေ့ပိုင်း) မြို့နယ်သည် ရပ်ကွက် ၆၃ ခု၊ ကျေးရွာအုပ်စု ၃ စု၊ ကျေးရွာပေါင်း ၆ ရွာဖြင့် ဖွဲ့စည်းထားပြီး လူဦးရေပေါင်း ၁၇၂၂၇၇ ကျော်နေထိုင်ပါသည်။ မြို့နယ်သည်အရှေ့မှအနောက်သို့ ၃.၇ မိုင်နှင့် တောင်မှမြောက်သို့ ၉.၅ မိုင် ရှည်လျားပါသည်။ ဒဂုံမြို့သစ်(အရှေ့ပိုင်း)မြို့နယ်၏ အရှေ့ဘက်တွင် လှည်းကူးမြို့နယ်၊ တောင်ဘက်တွင် ဒဂုံမြို့သစ်(တောင်ပိုင်း)မြို့နယ်၊ အနောက်ဘက်တွင် ဒဂုံမြို့သစ်(မြောက်ပိုင်း )မြို့နယ်၊ မြောက်ဘက်တွင် မြောက်ဥက္ကလာပ မြို့နယ်တို့နှင့် နယ်နိမိတ်ထိစပ်လျက်ရှိပါသည်။ ဒဂုံမြို့သစ်(အရှေ့ပိုင်း)မြို့နယ်အတွင်း မြောက်မှတောင်သို့ စီးဆင်း လျက်ရှိသော ငမိုးရိပ်ချောင်းတည်ရှိနေသဖြင့် ဒီရေအတက်အကျရှိရာ ရေနက်ကွင်းများတွင် ရံဖန်ရံခါ ရေလွှမ်းလေ့ရှိပါသည်။ ယခင်က ဤဒေသ သည် ရေနက်ကွင်းနှင့် လယ်ယာမြေများစွာ တည်ရှိခဲ့သော်လည်း လူနေ ရပ်ကွက်များ ဖော်ထုတ်ခဲ့ခြင်းအတွက် မြေသားလွင်ပြင်အဖြစ် ပေါ်ထွက် လာခဲ့ခြင်းဖြစ်ပါသည်။
ဒဂုံမြို့သစ်(အရှေ့ပိုင်း) မြို့နယ်သည် ပြည်ထဲရေးဝန်ကြီးဌာန၏ ၁၉၉၄ ခုနှစ်၊ ဩဂုတ် လ ၁၉ ရက်စွဲပါအမိန့်ကြေငြာစာအမှတ်၊ ၃ / ၃၅၀ အထရ ဒဂရ ဒဂုံမြို့သစ်(မြောက်ပိုင်း) မြို့နယ်မှ ခွဲထွက်၍ မြို့နယ်တစ်ခုအဖြစ် ရပ်တည်ခဲ့ပြီး မြို့နယ်အထွေထွေအုပ်ချုပ်ရေးဦးစီးဌာန အုပ်ချုပ်ရေးမှူးရုံးကို ၁၉၉၄ ခုနှစ်၊ စက်တင်ဘာလ ၁၀ ရက်နေ့မှစတင်၍ ဖွင့်လှစ်ခဲ့ပါသည်။