ရန်ကုန်မြို့ ရွှေတိဂုံဘုရား မြောက်ဖက်မုဒ် ဝိဇ္ဇာတန်ဆောင်း နောက်ကျောဘက်တွင်ရှိသည်။ သမားတော်တန်ဆောင်းဘေးမှ ခေါင်းလောင်းငယ်နှစ်လုံးဘက်ရှိ ချောင်ကလေးထဲသို့ ဝင်၍သွားရသည်။ ဘုရားနှင့် ကပ်လျက်တွင် ဆင်ရုပ်နှစ်ရုပ်နှင့် အုတ်ပြာသာဒ်တစ်ခု ရှိသည်။ နေရာဧရိယာ ကျဉ်းလွန်းသောကြောင့် ဝတ်ပြုသူ များပြားသော အချိန်များတွင် စောင့်ရတတ်သည်။ ဆင်းတုတော်မှာ နဂါးကိုးကောင်ဖြင့် ခြံရံထားသော နဂါးရုံဘုရား ဖြစ်သည်။ အဓိဋ္ဌာန်ပြု ဆုတောင်းသူများ ထူးခြားစွာ ဆုတောင်းပြည့်တတ်သည်။
