မဟာရွှေစည်ကြီးစေတီတော်သည် စစ်ကိုင်းတိုင်းဒေသကြီး၊ ကန့်ဘလူမြို့၊ အမှတ် (၁) ရပ်ကွက်အတွင်း တည်ရှိသည့် မြို့ကျက်သရေဆောင် ရွှေတိဂုံပုံတူစေတီတော်ကြီးဖြစ်ပါသည်။ စေတီတော်သည် ၁၈၉၉ ခုနှစ်တွင် တည်ရှိခဲ့သော စည်တစ်လုံးစေတီကို ထပ်မံငုံ၍ ရွှေတိဂုံစေတီတော်ပုံစံ တည်ဆောက်ခဲ့သော စေတီဖြစ်ပါသည်။ မဟာရွှေစည်ကြီးစေတီတော်သည် ဉာဏ်တော်အမြင့် ၉၀ ပေ ရှိပြီး စေတီတော်၏ ဗုဒ္ဓပူဇနိယပွဲတော်ကို နှစ်စဉ် တပို့တွဲလ၌ ကျင်းပပါသည်။
