အင်းဝိုင်းရေတံခွန်သည် ရှမ်းပြည်နယ်(မြောက်ပိုင်း) နောင်ချိုမြို့နယ် ကုန်းကြီးရွာမအုပ်စု၊ အင်းဝိုင်းကျေးရွာနှင့် ငွေရည်ပုလဲ သကြားစက်ရုံ (၂) ကြားတွင် တည်ရှိသည့် ရေတံခွန်တစ်ခု ဖြစ်သည်။ ရေတံခွန်သည် အဆင့်သုံးဆင့်ရှိပြီး ရေစီးအလွန်သန်သည်။ လူသူအရောက်အပေါက်နည်းပါးသဖြင့် ရေများမှာ ကြည်လင်အေးမြလျက်ရှိကာ ပတ်ဝန်းကျင်သန့်ရှင်းသပ်ရပ်ပြီး သဘာဝအတိုင်းအရိုင်းဆန်သော ရေတံခွန်တစ်ခုဖြစ်ပါသည်။
