မွန်ပြည်နယ်၊ ချောင်းဆုံမြို့နယ်၊ ဘီလူးကျွန်းမြို့၊ ကညှော်ကျေးရွာ၏ အရှေ့မြောက်ဘက်တွင် တည်ရှိပါသည်။ စေတီတော်သမိုင်းရာဇဝင်အရ ဗာရာဏရသေ့သည် မြတ်စွာဘုရားရှင် ချီးမြှင့်ပေးအပ်သော ဆံတော်နှစ်ဆူအနက် တစ်ဆူကို ဖံဖရွာမှ စောမောင်ဖနှင့်ဇနီးဖြစ်သူ ဣထော်နုမော်တို့အား ပြန်လည်ပေးအပ်ပြီး စေတီတစ်ဆူတည်ထားစေခဲ့သည်။ စောမောင်ဖတို့ ဇနီးမောင်နှံသည် မြန်မာသက္ကရာဇ် ၁၁၁ ခုနှစ်၊ တန်ခူးလပြည့်နေ့တွင် ယင်းဆံတော်ကို ဌာပနာ၍ စေတီတည်ထားကိုးကွယ်ခဲ့ပြီး စေတီဘွဲ့တော်အား မွန်ဘာသာဖြင့် "ကျာ်ကအ်ရဲ"၊ မြန်မာဘာသာဖြင့် "ကျိုက်ကော့ရွဲစေတီတော်"ဟူ၍ ခေါ်တွင်ခဲ့ပါသည်။
