ကသာ နိုဝင်ဘာ ၈
မြန်မာနိုင်ငံတစ်ဝန်း ကျင်းပလျက်ရှိသော ၂၀၂၀ ပြည့်နှစ် ပါတီစုံဒီမိုကရေစီ အထွေထွေ ရွေးကောက်ပွဲအား စစ်ကိုင်းတိုင်းဒေသကြီး ကသာခရိုင် ကသာမြို့နယ်ရှိ ရပ်ကွက်/ကျေးရွာအုပ်စုများတွင် ယနေ့ နံနက် ၆ နာရီမှစတင်ကာ ပြည်သူများ အေးချမ်းစွာ ဆန္ဒမဲပေးခဲ့ကြောင်း သိရသည်။
ကသာခရိုင်အတွင်း မဲရုံပေါင်း ၇၇၁ ရုံ၊ မဲဆန္ဒရှင်ပေါင်း ၆၃၀၀၀၀ ကျော်၊ အသက် ၆၀ နှင့်အထက် မဲဆန္ဒရှင်ပေါင်း ၈၄၀၀၀ ကျော်ရှိကြောင်း သိရသည်။ ကသာမြို့နယ်၌ မဲရုံပေါင်း ၁၁၀၊ ရပ်ကွက်/ကျေးရွာအုပ်စုပေါင်း ၄၂ အုပ်စု ရှိပြီး ဆန္ဒမဲပေးမည့်သူ ၁၂၀၀၀၀ ကျော်ရှိသည့်အနက် အသက်(၆၀)နှင့်အထက် မဲဆန္ဒရှင် ၁၂၀၀၀ ကျော်ရှိကြောင်း သိရသည်။
ထိုသို့ဆန္ဒမဲပေးကြရာတွင် ကျန်းမာရေးနှင့် အားကစား ဝန်ကြီးဌာနက ချမှတ်ထားသည့် လမ်းညွှန်ချက်များနှင့် အညီ တိကျစွာလိုက်နာကာ စနစ်တကျမဲပေးခဲ့ကြောင်း သိရသည်။
အေးမြသက်ထား
