မကွေးတိုင်းဒေသကြီး၊ ချောက်မြို့မှ ၂၄ မိုင်ခန့်အကွာ၊ ပခန်းငယ်ကျေးရွာတွင် တည်ရှိပါသည်။ သက္ကရာဇ် ၁၁၁၃ ခုနှစ်တွင် ပုဂံငယ်မြို့သူကြီး သီရိဇေတဗိုလ်က တည်ထားကိုးကွယ်ခဲ့သည်ဟု မင်စာမှတ်တမ်းအရ သိရပါသည်။ ထိုမင်စာ မှတ်တမ်းအရ ပခန်းငယ်သည် တစ်ချိန်က ပုဂံငယ် ဟုခေါ်တွင်ကြောင်း သိရပါသည်။ လိုဏ်ခံစေတီအမျိုးအစားဖြစ်ပြီး စေတီတော်၏ ထောင့်လေးထောင့်တွင် ခြင်္သေ့လေးကောင် ရုပ်တုနှင့် အရံစေတီ လေးဆူ ခြံရံလျက်ရှိသည်။
