အင်းဝရှေးဟောင်းသုတေသနပြတိုက်သည် မန္တလေးတိုင်ဒေသကြီး ကျောက်ဆည်ခရိုင်၊ တံတားဦးမြို့နယ်ရှိ အင်းဝရှေးဟောင်းမြို့အတွင်း စည်တိုပုံမြို့ရိုးအနီးတွင် တည်ရှိပါသည်။ အင်းဝရှေးဟောင်းသုတေသနပြတိုက်ကို ၁၉၉၁ ခုနှစ်တွင် မြို့နယ်အဆင့်ပြတိုက်အဖြစ် စတင်တည်ထောင်ခဲ့ပြီး စုဆောင်းရရှိထားသော ရှေးဟောင်းအမွေအနှစ်ပစ္စည်းများ တိုးပွားလာသည့်အတွက် ၁၉၉၄ ခုနှစ်တွင် အင်းဝရှေးဟောင်းသုတေသနပြတိုက်ကို မြေဧက ၁၀ ဧကရှိ မြေနေရာတွင် တိုးချဲ့ဆောက်လုပ်၍ ၁၉၉၄ ခုနှစ်တွင် ၂၀၀၃ ခုနှစ် ဧပြီလ ၄ ရက်နေ့တွင် အများပြည်သူလေ့လာကြည့်ရှုနိုင်ရန် ဖွင့်လှစ်ပြသခဲ့ပါသည်။ အင်းဝရှေးဟောင်းသုတေသနပြတိုက်တွင် အင်းဝမြို့ဟောင်း ပုံစံငယ်ပြခန်း၊ ဗုဒ္ဓအနုပညာပြခန်း၊ အင်းဝဒေသအတွင်းရှိ ထင်ရှားသော ရှေးဟောင်းအဆောက်အုံများ၏ ဓာတ်ပုံမှတ်တမ်းပြခန်း၊ စာပေ၊ နံရံဆေးရေးပန်းချီနှင့်ဗိသုကာအနုပညာပြခန်း၊ လူ့အသုံးအဆောင်နှင့် လက်မှုအနုပညာပြခန်းများအဖြစ် ပြခန်းငါးခန်း၊ ပြသပစ္စည်းအရေအတွက် ၄၀၆ မျိုးပြထားပါသည်။ ပြတိုက်ကို တနင်္လာနှင့် ပြန်တမ်းဝင်ရုံးပိတ်ရက်များမှလွဲ၍ နေ့စဉ် နံနက် (၉:၀၀)နာရီမှ ညနေ (၀၄:၃၀)နာရီအချိန်ထိ ဖွင့်လှစ်ပြသလျက်ရှိပါသည်။
