မြစည်းခုံစေတီသည် တောင်ငူမြို့လယ်တွင်ရှိသော ရွှေဆံတော်ဘုရား၏ တောင်ဘက်တွင် တည်ရှိသည်။ တောင်ငူခေတ် ကြေးသွန်းမဟာမုနိရုပ်ပွားတော်တစ်ဆူ ကိန်းဝပ်စံပယ်တော်မူလျှက်ရှိပါသည်။ စေတီတော်၏ ပရဝုဏ်အတွင်း ဘုရင့်နောင်မင်းတရားကြီး ယိုးဒယားကို စစ်နိုင်၍ ယူဆောင်လာသော မတ်တပ်ရပ် ဗုဒ္ဓရုပ်ပွားတော်နှင့် ၁၉ ရာစုနှစ် ဗြိတသျှ အမြောက်နှစ်လက် ရှိပါသည်။ ထို့ပြင် ၁၉၀၁ ခုနှစ်တွင် ဂျာမန်လူမျိုး ဇနီးမောင်နှံနှစ်ဦးလှူဒါန်းထားသော ရွှေကျောင်းနှင့် ဂျာမဏီပြည်မှ ကြေးရုပ်ကြီးနှစ်ရုပ်လည်း တည်ရှိပါသည်။
