မျိုးကြီး

အဆိုတော်မျိုးကြီးကို ၁၉၇၆ ခုနှစ် မတ်လ ၂၂ ရက်နေ့တွင် ရန်ကုန်မြို့၌ ဦးတင်မောင်ဌေးနှင့် ဇနီး ဒေါ်တင်တင်ထွေးတို့မှ မွေးဖွားခဲ့သည်။ အမည်ရင်း မျိုးမင်းဌေး ဖြစ်သည်။ ညီတစ်ဦးရှိသည်။ အ.ထ.က (၂) လှိုင်မြို့နယ်တွင် ပညာသင်ကြားခဲ့သည်။ ဒဂုံတက္ကသိုလ်တွင် သတ္တဗေဒဘာသာရပ်ဖြင့် အဝေးသင်တက်ရောက်ပြီး ဘွဲ့ရခဲ့သည်။

၁၉၉၃ ခုနှစ်တွင် ရော့ခ်ဂီတအဖွဲ့ Ghost Rider တွင် ဦးဆောင်ဂစ်တာသမားအဖြစ် စတင်ခဲ့သည်။ နောက်ပိုင်းတွင် Iron Cross ရော့ခ်ဂီတအဖွဲ့သို့ ဝင်ရောက်ခဲ့သည်။

၁၉၉၇ ခုနှစ်တွင် တစ်ကိုယ်တော် အယ်လ်ဘမ် “ကျောက်စာများ” ထွက်ရှိခဲ့သည်။ ၁၉၉၈ ခုနှစ်တွင် အယ်လ်ဘမ် “လေပြေ” သည် အောင်မြင်ခဲ့ပြီး မြန်မာ့ဂီတလောကတွင် အောင်မြင်ကျော်ကြားသည့် အဆိုတော်တစ်ဦးဖြစ်လာခဲ့သည်။

၂၀၀၀ ပြည့်နှစ် မေလ ၂၀ ရက်နေ့တွင် မဇင်မာလွင် (ခ) လုံးလုံးနှင့် လက်ထပ်ခဲ့သည်။ သားနှစ်ယောက်ရှိပြီး လင်းသူရမျိုးနှင့် ပုညသုခမျိုးဖြစ်သည်။

၂၀၀၇ ခုနှစ်တွင် ပထမဆုံး တစ်ကိုယ်တော် ဖျော်ဖြေပွဲ “Live in Yangon” ကို ကျင်းပခဲ့သည်။

၂၀၁၅ ခုနှစ်မှ ၂၀၂၀ ခုနှစ်အထိ Oppo Myanmar ၏ ထုတ်ကုန်ဆိုင်ရာ သံတမန်အဖြစ် ခန့်အပ်ခြင်းခံရသည်။

Myanmar's God Talent တွင် ဒိုင်တစ်ဦးအဖြစ် ပါဝင်ဆောင်ရွက်ခဲ့သည်။

တစ်ကိုယ်တော် အယ်လ်ဘမ်များ

ကျောက်စာများ

လေပြေ

အခမ်းနားဆုံး

အပြန်လမ်း

ဆန့်ကျင်ဘက်

နိစ္စဓူဝ

ယူလိုက်

ပြောင်းလဲခြင်းများ