ဧရာဝတီတိုင်းဒေသကြီး ငပုတောမြို့နယ် ဟိုင်းကြီးကျွန်းမြို့ မော်တင်စွန်းအငူတွင် တည်ရှိပါသည်။ မဟာကုဋရံသီစေတီတော်ဘွဲ့ အမည်ရ မော်တင်စွန်းစေတီတော်တည်ရှိရာ မော်တင်တောင်မှာ ပုသိမ်မြို့မှ ၈၉ မိုင် အကွာတွင် တည်ရှိပါသည်။ သမိုင်းအဆိုအရ ဂေါတမမြတ်စွာဘုရားရှင် သက်တော်ထင်ရှားရှိစဉ်ကတည်းက တည်ထားသည်ဟု အဆိုရှိပါသည်။ မော်တင်စွန်း ဘုရားသည် ရင်သပ်ရှုမောဖွယ် သဲပြင်ကမ်းခြေနှင့်အတူ တွဲဖက်လျက် ပင်လယ်နံဘေးတွင် တည်ရှိပါသည်။ စေတီတော်၏ ဗုဒ္ဓပူဇနိယပွဲတော်ကို နှစ်စဉ် တပေါင်းလဆန်း ၁ ရက်နေ့မှ တပေါင်းလပြည့်နေ့အထိ စည်ကားသိုက်မြိုက်စွာ ကျင်းပလေ့ရှိသည်။
