ရေတံခွန်တောင်သည် မန္တလေးတိုင်း၊ ပုသိမ်ကြီးမြို့နယ်အတွင်း တည်ရှိသည်။ ရေတံခွန်သည် အမြဲစီးဆင်းနေသည်မဟုတ်ဘဲ မိုးရွာသွန်းမှု များပြားမှသာ လှလှပပဖြာကျ စီးဆင်းလျက်ရှိသည်။ တောင်ခြေရှိ ဆိုင်ခန်းများမှ ငှက်ပျောသီး၊ ပြောင်းဖူးစေ့ တို့ကဲ့သို့သော မျောက်စာများဝယ်ယူနိုင်ပြီး မျောက်များအား အစာကြွေးကုသိုလ်ယူရင်း ရေတံခွန်တွင် အနားယူအပန်းဖြေနိုင်ပါသည်။ ရေတံခွန်တောင်ပေါ်မှ တောင်ခြေရှိ ရွှေနတ်တောင်မုနိအောင်မြေကျောင်းအထိ ရဟန္တာငါးရာ တာဝတိံသာမှ ကြွလာဟန်ရုပ်တုများ တည်ရှိသည်။
