ကရင်ပြည်နယ်၊ ကြာအင်းဆိပ်ကြီးမြို့နယ်၊ ဖားပြကျေးရွာအနီး ၂၇၃ ပေအမြင့်ရှိ တောင်ထိပ်တွင် တည်ရှိပါသည်။ ဉာဏ်တော်အမြင့် ၁၂ တောင်ခန့်ရှိစေတီတော်တစ်ဆူဖြစ်ပြီး ပွင့်တော်မူပြီးသော ဗုဒ္ဓဘုရားရှင်လေးဆူ၏ ဆံတော်လေးဆူကို ဌာပနာထားရှိသည်ဟု သိရပါသည်။ တောင်ပေါ်သို့ အမျိုးသားများသာ တက်ရောက်ခွင့်ပြုထားသည်။ တောင်ခြေအနီးတွင်လည်း ဖားပြလိုဏ်ဂူရှိပြီး လိုဏ်ဂူအတွင်း၌ ဗုဒ္ဓရုပ်ပွားတော် ၂၀၀၀ ခန့်ကို ဖူးမြော်မြင်တွေ့နိုင်ပါသည်။ လိုဏ်ဂူအတွင်းရှိ ရှေးဟောင်း အုတ်ခွက်ဘုရားများမှာ မသမာသူအချို့ကြောင့် ပျက်စီးသွားခဲ့ပြီး ဖြစ်သည်။
