ရန်ကုန်မြို့၊ ကြည့်မြင်တိုင်မြို့နယ်၊ အထက်ကြည့်မြင်တိုင်လမ်း၊ အမှတ် (၁၃၅) တွင် တည်ရှိသည်။ မြန်မာနိုင်ငံ ခရစ်ယာန်အင်္ဂလီကန် အသင်းတော်တွင် ရှေးအကျဆုံးဘုရားကျောင်းဖြစ်ပါသည်။ ဘုရားကျောင်းကို ဦးတလုပ်ဖြူနှင့် ဇနီးဒေါ်မိုးတို့က မိမိတို့ပိုင်ဆိုင်သော လယ်ယာများများ ရောင်းချပြီး ရရှိသော ငွေများကိုလှူဒါန်း၍ ၁၈၉၆ ခုနှစ် ဒီဇင်ဘာလ ၂၂ ရက်နေ့၌ သာသနာပိုင်ကြီး စထရွန်း (The Tt. Rev. Strachaun) ၏ ဇနီးက အုတ်မြစ်ချ ဆောက်လုပ်ခဲ့သည်။ ပရိသတ်ပိုင်းမပြီးစီးမီ ဦးတလုပ်ဖြူကွယ်လွန်သဖြင့် ပရိသတ်အပိုင်းကို သစ်သားဖြင့်ဆောက်လုပ်ခဲ့သော စာသင် ကျောင်းကိုအသုံးပြုခဲ့ရာ ၁၉၇၈ ခုနှစ် ဘုန်းတော်ကြီး ဦးဂျေမောင်မောင်၏လက်ထက်တွင် အုတ်ဖြင့်ပြန်လည်ဆောက်လုပ်ပြီး ၁၉၈၅ ခုနှစ်တွင် သာသနာပိုင်ချုပ် ဂရေဂရီလှကျော် အနုမောဒနာပြုပြီး၍ ယနေ့အထိအသုံးပြုနေပါသည်။ ယခုအခါ ယင်းဘုရားကျောင်း အဆောက်အအုံသည် ရန်ကုန်မြို့ပြရှေးဟောင်းအမွေအနှစ်အဆောက်အအုံများစာရင်းတွင် တစ်ခုအပါအဝင်ဖြစ်သည်။
