ခင်ဦး နိုဝင်ဘာ ၈
စစ်ကိုင်းတိုင်းဒေသကြီး ရွှေဘိုခရိုင် ခင်ဦးမြို့နယ်၌ ၂၀၂၀ ပြည့်နှစ် ပါတီစုံ ဒီမိုကရေစီအထွေထွေရွေးကောက်ပွဲအတွက် လွှတ်တော်အလိုက် ဆန္ဒမဲပေးခြင်း ကို ယနေ့ နံနက် ၆ နာရီမှစတင်ပြီး မဲရုံအသီးသီးတွင် ပြည်သူများ စိတ်အေး ချမ်းမြေ့စွာ ဆန္ဒမဲပေးကြသည်။
ခင်ဦးမြို့နယ်တွင် မဲရုံပေါင်း ၁၁၂ ရုံရှိပြီး မဲဆန္ဒနယ်(၁)တွင် မဲပေးခွင့်ရှိသူ ၆၂၅၂၁ ဦးနှင့် မဲဆန္ဒနယ်(၂)တွင် မဲပေးခွင့်ရှိသူ ၆၀၆၂၇ ဦး စုစုပေါင်း ၁၂၃၁၄၈ ဦးနှင့် ကြိုတင်ဆန္ဒမဲပေးပြီးသူ ၂၄၅၈၄ ဦးရှိကြောင်း မြို့နယ်ရွေးကောက်ပွဲကော်မရှင်အဖွဲ့ခွဲမှ သိရသည်။
မဲရုံများတွင် ဆန္ဒမဲလာရောက်ပေးသူများမှာ ကိုဗစ်-၁၉ ရောဂါကာကွယ်ရေး အတွက် ကျန်းမာရေးနှင့်အားကစားဝန်ကြီးဌာနက ထုတ်ပြန်ထားသော လမ်းညွှန်ချက်များနှင့်အညီ စနစ်တကျဆန္ဒမဲပေးနိုင်ရေးအတွက် ဆောင်ရွက် ထားပြီး မဲဆန္ဒရှင်များ မဲရုံတွင် လွယ်ကူစွာ ဆန္ဒမဲပေးနိုင်ရေးအတွက် ရပ်ကွက်၊ ကျေးရွာ ရွေးကောက်ပွဲကော်မရှင်အဖွဲ့ခွဲမှ တာဝန်ရှိသူများ၊ မဲရုံမှူးနှင့် မဲရုံအဖွဲ့ဝင် များ၊ မြို့နယ်ကြက်ခြေနီတပ်ဖွဲ့ဝင်များက လိုအပ်သည်များကို ကူညီဆောင်ရွက် ပေးကြောင်း သိရသည်။
စိုးဝေအောင်(ခင်ဦး)
