ပင်တင်းရေလှောင်ကန်သည် စစ်ကိုင်းတိုင်းဒေသကြီး၊ ရွှေဘိုခရိုင်၊ ခင်ဦးမြို့နယ်၊ ပင်တင်းကျေးရွာ အရှေ့ဘက် မောရချောင်းပေါ်တွင် တည်ရှိပါသည်။ ကန်အကျယ်အဝန်းမှာ ဧက ၁၀၀ ကျော်၊ ရေပိုလွှဲ ၂ ခု၊ ရေထုတ်ပြွန် ၅ ခုပါရှိပြီး ရေသောက် ဧက ၁၈၀၀ ကျော်အား ရေပေးဝေနိုင်ပါသည်။ ပင်တင်းရေလှောင်ကန်(သို့မဟုတ်) မောရဂီဝါကန်တော်အား ပျူခေတ်(အေဒီ ၄ ရာစုခန့်)က စတင်ဆယ်ဖို့ခဲ့ပြီး ခင်ဦးမြို့နယ်၌ အကြီးဆုံးတစ် ဖက်ဆယ်ကန်ဖြစ်ကြောင်း သမိုင်းမှတ်တမ်များအရ သိရသည်။
