အောင်မြေသာစံမြို့နယ်၊ ၈၂ လမ်း၊ လမ်း ၂၀ နှင့် ၂၁ လမ်းကြား၊ ပုလဲငွေရောင်ရပ်ကွက်တွင် တည်ရှိပါသည်။ အင်းဝခေတ် ရွှေနန်းကျော့ရှင် နရပတိမင်း လက်ထက်တွင် ဆင်ဖြူတော် လျောင်းစက်ရာ၌ တည်သောဘုရား ဖြစ်ပါသည်။ ဆင်ဖြူတော် မြောက်သို့လှည့်၍ အိပ်စက်ရာကိုမှီး၍ မုခ်ပေါက်လှည့်တည်ခဲ့ရာ မုခ်ပေါက်တစ်ပေါက်သာရှိ၍ တဝဂူဘုရားဟု ဘွဲ့အမည်တွင်ခဲ့သည်။ သီပေါမင်းလက်ထက်တွင် ပြန်လည်ပြုပြင် တည်ထားကိုးကွယ်ခဲ့ပါသည်။ နှစ်စဉ် နတ်တော်လတွင် ဘုရားပွဲတော်ကျင်းပပါသည်။
