မြန်မာဦးပိုင်ကို ဘီယာဖက်စပ်အမြတ်ငွေပေးရေး Kirin ကုမ္ပဏီဆိုင်းငံ့
မြန်မာစစ်တပ်နဲ့ ပတ်သက် ဆက်နွယ်နေတဲ့ မြန်မာ့စီးပွားရေးဦးပိုင်လီမိတက်ပိုင် မြန်မာဘီယာနဲ့ ဖက်ဆပ်လုပ်ကိုင်မှုက ရရှိတဲ့ အမြတ်ငွေပေးဖို့ ဆိုင်းငံ့ထားလိုက်ကြောင်း ဂျပန်နိုင်ငံအခြေစိုက် Kirin အဖျော်ယမကာလုပ်ငန်းအုပ်စုက ပြောကြားလိုက်ပါတယ်။
ဂျပန်နဲ့ပူးတွဲလုပ်နေတဲ့ မြန်မာဘီယာလုပ်ငန်းနဲ့ မန္တလေး ဘီယာလုပ်ငန်းတို့ရဲ့ အမြတ်ငွေ ဘယ်လိုခွဲဝေတယ်ဆိုတာ Amnesty International အဖွဲ့ရဲ့ အစီရင်ခံစာထွက်လာပြီးတဲ့နောက် အခုလို ဆိုင်းငံ့လိုက်တာ ဖြစ်ပါတယ်။ Kirin ဘက်က အခုလို ဆိုင်းငံ့လိုက်တဲ့အပေါ် Amnesty International နဲ့ လူ့အခွင့်အရေးအဖွဲ့တွေက ကြိုဆိုခဲ့ကြပါတယ်။
မြန်မာ့ဦးပိုင် စီးပွားလုပ်ငန်းအစုရှယ်ယာ ပိုင်ဆိုင်သူတွေထဲမှာ နိုင်ငံတကာဥပဒေအရ ပြစ်မှုကျူးလွန်ထားတဲ့ စစ်တပ်ဖွဲ့တွေလည်း ပါဝင်နေတာဖြစ်ပါတယ်။
Kirin ရဲ့ ပြောရေးဆိုခွင့်ရှိသူတဦးကတော့ ဒါဟာ ရွေ့ဆိုင်းလိုက်တာမျိုးမဟုတ်ပဲ လုံး၀ ရပ်ဆိုင်း လိုက်တာဖြစ်တယ်လို့ပြော ပါတယ်။
Kirin ဟာ မြန်မာဘီယာနဲ့ မန္တလေးဘီယာ ကုမ္မဏီတို့မှာ ရင်းနှီးမြှုပ်နှံမှု ၅၁ ရာနှုန်းပါဝင်ထားပြီး ပြီးခဲ့တဲ့ ဂျွန်လတုန်းကတည်းက မြန်မပြည်မှာရှိတဲ့ သူတို့ရဲ့လုပ်ငန်းတွေကို စုံစမ်း စစ်ဆေးဖို့ဘဏ္ဍာရေး အကြံပေးအဖွဲ့တခုဖြစ်တဲ့ Deloitte Tohmatsu Financial Advisory အဖွဲ့ကြီးကို ငှားရမ်းခဲ့တာဖြစ်တယ်။
မြန်မာ့စီးပွားရေး ဦးပိုင်လီမိတက်ဟာ ရိုဟင်ဂျာတွေအပေါ် လူမျိုးတုံးသတ်ဖြတ်မှု ကျူးလွန်တာအပါအဝင် လူ့အခွင့်အရေးတွေ ချိုးဖောက်မှုနေတယ်လို့ စွပ်စွဲခံနေရတဲ့ မြန်မာစစ်တပ်ရဲ့ အစိတ်အပိုင်းတခုဖြစ်ကြောင်း ကုလသမဂ္ဂအဖွဲ့ကြီးကလည်း သတ်မှတ်ထားတာ ဖြစ်ပါတယ်။
Kirin က အခုလို ငွေးပေးဖို့ ဆိုင်းငံ့လိုက်တဲ့ကိစ္စနဲ့ပတ်သက်လို့ မြန်မာ့စီးပွားရေး ဦးပိုင်လီမိတက် ဘက်က တစုံတရာ တုံ့ပြန် ပြောဆိုခြင်း မရှိသေးပါဘူး။
Crd VOA News