၂၀၁၅ မှာ မနိုင်ခဲ့တဲ့ မိတ္ထီလာမှာ NLD နိုင်
ပြည်ခိုင်ဖြိုးပါတီက လက်ရှိ လွှတ်တော် ကိုယ်စားလှယ်ကို အန်အယ်လ်ဒီ ကိုယ်စားလှယ်လောင်း ဒေါက်တာ ဆင့်စိုးက မိတ္ထီလာ ပြည်သူ့လွှတ်တော် မဲဆန္ဒနယ်မှာ အနိုင်ရတယ်လို့ NLD ပါတီ မန္တလေး ရွေးကောက်ပွဲ အောင်နိုင်ရေး ကော်မတီ စာမျက်နှာမှာ ဖော်ပြထားပါတယ်။
မိထ္ထီလာဟာ တပ်ရင်းတပ်ဖွဲ့တွေလည်း အခြေစိုက်တဲ့ မဲဆန္ဒနယ်ဖြစ်ပြီး ၂၀၁၅ မှာ မဲဆန္ဒနယ် အများစုအနိုင်ရခဲ့ NLD ဟာ ဒီနေရာမှာ ရှုံးနိမ့်ခဲ့တာဖြစ်လို့ စိတ်ဝင်စား စောင့်ကြည့်စရာ မဲဆန္ဒနယ် တစ်ခု ဖြစ်ခဲ့ပါတယ်။
ဒေါက်တာဆင့်စိုးက မဲ တစ်သိန်းကျော် ရရှိခဲ့ပြီး ဒေါက်တာမောင်သင်းက မဲ ရှစ်သောင်းကိုးထောင်ကျော် ရရှိခဲ့တယ်လို့ ဖော်ပြပါတယ်။
ဒေါက်တာမောင်သင်းဟာ ၂၀၁၅ မှာတော့ မဲ ကိုးသောင်း ခြောက်ထောင်ကျော် ရရှိခဲ့ပါတယ်။
မိတ္ထီလာမှာ မဲပေးနိုင်သူ အရေအတွက် နှစ်သိန်းခွဲခန့်ရှိပြီး အဲ့ဒီအရေအတွက်ရဲ့ ၃ပုံ ၁ ပုံဟာ မြို့ပေါ်က ဖြစ်သလို ကျန် ၃ ပုံ ၂ ပုံ က ရွာတွေက ဖြစ်ကြပါတယ်။
ဒီရလဒ်တွေကို ရွေးကောက်ပွဲ ကော်မရှင်ကတော့ တရားဝင် မကြေညာရသေးပါဘူး။
Crd BBC News
ယခုကဲ့သို့ နောက်ဆုံးရသတင်းများနှင့် သိရှိလိုသော ဒေသဆိုင်ရာအချက်အလက်များကို www.winnetmyanmar.com နှင့် winnetmyanmar Facebook Page တို့တွင် ဝင်ရောက်ဖတ်ရှု ရေးသား ဆွေးနွေးနိုင်ပါသည်။