၁၉၂၉ နိုဝင်ဘာ ၁၁ ရက်နေ့တွင် အဖ ရွှေကုန်သည် ဦးမောင်လေး၊ အမိ ဒေါ်အေးချို တို့က ပျဉ်းမနားမြို့၌ မွေးဖွားခဲ့သည်။
▪ ရန်ကုန်မြို့ မြို့မ အထက်တန်းကျောင်းမှ ၁၉၄၇-၄၈ ခုတွင် တက္ကသိုလ်ဝင်တန်း အောင်မြင်ခဲ့။ ၁၉၅၄ ခုတွင် ရန်ကုန်တက္ကသိုလ်မှ ဝိဇ္ဇာ (ဂုဏ်ထူး) မြန်မာစာဘွဲ့ကို ရရှိခဲ့။ ၎င်းခုနှစ်တွင်ပင် လူထုပညာရေး ကောင်စီတွင် ပြန်ကြားရေးအရာရှိအဖြစ် ခန့်အပ်ခြင်းခံခဲ့ရ။ ရန်ကုန်မြို့ သက်ကြီးတက္ကသိုလ်၊ လုပ်သားများ ကောလိပ် တို့တွင် အချိန်ပိုင်း ကထိက အဖြစ် မြန်မာစာပေ ပို့ချခဲ့။
▪ ၁၉၅၇ ခုနှစ်တွင် စာပေဗိမာန် ပြန်ကြားရေး အရာရှိ အဖြစ် ရာထူးတိုးမြှင့် ခန့်ထားခြင်း ခံခဲ့ရ။
▪ ၁၉၆၃ တွင် ကာကွယ်ရေး ဝန်ကြီးဌာန၌ အရပ်သား အရာရှိ စစ်ဦးစီးမှူး (တတိယတန်း) ဗိုလ်ကြီး အဆင့်အဖြစ် ခန့်ထားခြင်း ခံခဲ့ရ။
▪ နိုင်ငံတော် ကာကွယ်ရေး တက္ကသိုလ်တွင် နည်းပြအရာရှိ (ဗိုလ်မှူး) အဖြစ် ၂၇ နှစ်တိုင်တိုင် တာဝန် ထမ်းဆောင်ခဲ့။
▪ အငြိမ်းစား ယူပြီးနောက် မင်္ဂလာဘိသေက ပညာရှင်အဖြစ် ဆောင်ရွက်လျက်ရှိစဉ် ၂၀၀၅ ခုနှစ်၊ မတ်လ ၁၁ ရက်နေ့ အသက် (၇၆) နှစ်တွင် ကွယ်လွန် အနိစ္စရောက်ခဲ့သည်။
