ဒဂုံတက္ကသိုလ်သည် ရန်ကုန်တိုင်းဒေသကြီး၊ ဒဂုံမြို့သစ်အရှေ့ပိုင်းမြို့နယ်၊ အမှတ် (၁၃၃) ရပ်ကွက်၊ မင်းရဲကျော်စွာလမ်းတွင် တည်ရှိပါသည်။ အကျယ်အဝန်း ၁၅၈၂.၁၄ ဧက ကျယ်ဝန်းပြီး ဝိဇ္ဇာဘာသာရပ်၊ သိပ္ပံဘာသာရပ် ပို့ချလျက်ရှိသော တက္ကသိုလ်ဖြစ်ပါသည်။ ၁၉၉၃ ခုနှစ် အောက်တိုဘာလ ၂၇ ရက်နေ့တွင် ဖွင့်လှစ်ခဲ့ပြီး ကျောင်းသားများကို ၁၉၉၃ ခုနှစ် နိုဝင်ဘာလ ၁၅ ရက်နေ့တွင် စတင်လက်ခံသင်ကြားခဲ့ပါသည်။ ခွင့်ပြုသည့် ကျောင်းသားဦးရေမှာ ၆၀၀၀၀ ဖြစ်ပါသည်။ ဒဂုံတက္ကသိုလ်မှ ဆရာ၊ ဆရာမများသည် အဝေးသင်ကျောင်းသား ကျောင်းသူများ ၏သင်ကြားရေးကိုလည်း တာဝန်ယူဆောင်ရွက်ရပါသည်။
