သေတ္တာထဲ ဝင်ရောက်ကစားရာမှ ပိတ်မိ၍ ကလေးသုံးဦး အသက်ရှူကြပ်သေဆုံး
29-Dec-2020
မော်လမြိုင်ကျွန်း ဒီဇင်ဘာ ၂၈
ဧရာဝတီတိုင်းဒေသကြီး မော်လမြိုင်ကျွန်းမြို့နယ်အတွင်းရှိ ဖိုးခမှီဒေါင့်ကျေးရွာတွင် ဒီဇင်ဘာ ၂၇ ရက် နံနက်ပိုင်းက ကလေးသုံးဦး သေတ္တာထဲ ဝင်ရောက်ကစားကြရာမှ ပိတ်မိ၍ အသက်ရှူကျပ် သေဆုံးမှု ဖြစ်ပွားခဲ့သည်။
ယမန်နေ့ နံနက်ပိုင်းက မိဘနှစ်ပါးစလုံးလယ်ထဲသို့သွားနေစဉ် မောင်ဖြိုးခန့်ကျော်(၈ နှစ်)၊ မောင်သက်တိုး အောင်(၆ နှစ်)နှင့် မဝေဝေအောင် (၁ နှစ် ၈ လ)တို့ မောင်နှမသုံးဦးသည် နေအိမ်အတွင်းရှိ သေတ္တာထဲ ဝင်ရောက် ဆော့ကစားရာမှ အသက်ရှူကျပ်၍ သုံးဦးစလုံး သေဆုံးခဲ့ခြင်းဖြစ်သည်။ သေဆုံးကလေးငယ် များအား မြို့နယ် ခုတင်(၁၀၀)ဆေးရုံကြီးသို့ ပို့ဆောင်စစ်ဆေးပြီး ကျိုက်ပိကျေးရွာ အုပ်စု ရဲစခန်းတွင် သေမှုသေခင်းဖွင့် စစ်ဆေး ဆောင်ရွက်လျက်ရှိကြောင်း သိရသည်။
သီတာအောင် (ပြန်/ဆက်)