မကွေးတိုင်းက စိတ်အပူရဆုံးနေရာ တွေမှာ NLD နိုင်တယ်လို့ ဝန်ကြီးချုပ်ပြော

မကွေးတိုင်းဒေသ ကြီးအတွင်းမှာ အရင်တုန်းက မြို့ပေါ်က မဲတွေ ရှုံးပြီး ကျေးရွာက မဲတွေနဲ့ သာအနိုင်ရခဲ့တဲ့ မြို့နယ် နှစ်မြို့နယ်မှာ NLD အမျိုးသား ဒီမိုကရေစီ အဖွဲ့ချုပ်က အနိုင်ရတဲ့အပြင် တိုင်းတခုလုံးမှာလည်း အသာရနေတယ်လို့ မကွေးတိုင်း ဝန်ကြီးချုပ် ဒေါက်တာ အောင်မိုးညိုက ပြောပါတယ်။

နိုင်ပါ့မလားလို့ စိုးရိမ်ခဲ့ရတဲ့ နှစ်မြို့နယ်က သရက်ခရိင် ကံမ မြို့နယ်နဲ့ ဂန့်ဂေါခရိုင် ထီးလင်းမြို့နယ်တို့ ဖြစ်တယ်လို့ လည်း သက်ဆိုင်ရာ NLD ကိုယ်စားလှယ်လောင်းနဲ့ လက်ရှိ အစိုးရ အဖွဲ့ ဝန်ကြီးတို့က ပြောလို့ သိရတယ်လို့ သူက ပြောပါတယ်။

အရင်ရွေးကောက်ပွဲတွေတုန်းက ဒေါက်တာအောင်မိုးညိုကိုယ်တိုင် ဝင်ရောက်ယှဉ်ပြိုင်ပြီး ပြည်ထောင်စုကြံ့ခိုင်ရေးနဲ့ ဖွံ့ဖြိုးရေး ပါတီကို ရှုံးခဲ့တဲ့ ကျေးရွာတွေလည်း အခု အနိုင်ရတယ်လို့ ဆိုပါတယ်။

အဲဒီရွာတွေက မုန်တောကြီး၊ ရေပုတ်ကြီး၊ အနောက်လေးအိမ်၊ အုတ်ဖို၊ ကံလှ၊ ကျောင်းစု စတဲ့ရွာတွေ ဖြစ်ပြီး အခုရွေးကောက်ပွဲမှာ အနိုင်ရနေတယ်လို့ သင်ဆိုင်ရာတာဝန်ရှိသူတွေက ပြောပါတယ်။

ပွင့်ဖြူမြို့နယ် ရေပုတ်ကြီးကျေးရွာမှာ မဲတွေ အားလုံးရေတွက်ပြီးသွားပြီဖြစ်ပြီး ပြည်သူ့လွှတ်တော်၊ အမျိုးသား လွှတ်တော်နဲ့ တိုင်းဒေသကြီး လွှတ်တော် အားလုံးမှာ NLD ပါတီက အနိုင်ရသွားပြီဖြစ်ပါတယ်။

ရွှေဘိုရွာမှာတော့ ပြီးခဲ့တဲ့ မိနစ်ပိုင်းကပဲ မဲတွေ ရေတွက် ပြီးစီးခဲ့ပါတယ်။ တခြားဒေသက မဲတွေကို ဆက်လက်ရေတွက်နေတုန်း ဖြစ်ပါတယ်။ မဲရေတွက်တာကို မိုးချုပ်တဲ့ အထိ မဲဆန္ဒရှင်တွေ ထိုင်စောင့်နေခဲ့ကြပါတယ်။

Crd BBC News

ယခုကဲ့သို့ နောက်ဆုံးရသတင်းများနှင့် သိရှိလိုသော ဒေသဆိုင်ရာအချက်အလက်များကို www.winnetmyanmar.com နှင့် winnetmyanmar Facebook Page တို့တွင် ဝင်ရောက်ဖတ်ရှု ရေးသား ဆွေးနွေးနိုင်ပါသည်။