ရွှေရန်ပြေအတုမရှိရွှေကျောင်းတော်သည် ညောင်ရွှေမြို့နယ် တီလောစခန်းကြီးကျေးရွာအုပ်စု ရွာတော်ရွာ (ညောင်ရွှေမှ မြောက်ဘက် ရွှေညောင်သွားလမ်း)တွင် တည်ရှိပါသည်။ ၁၈၈၉ ခုနှစ်တွင် ညောင်ရွှေစော်ဘွားစဝ်အုံ နဲ့ မဟာဒေဝီ တို့ ဆောက်လုပ်လှူဒါန်းခဲ့သည်။ အလျား ၈၅ ပေ၊ အနံ ၅၅ ပေရှိပြီး တိုင်လုံးပေါင်း ၁၆၇ လုံးနှင့် တည်ဆောက်ထားသည့် နှစ်ပေါင်း ၁၃၀ ကျော်သက်တမ်းရှိ ရှေးဟောင်း ဘုန်းကြီးကျောင်းဖြစ်ပါသည်။
