မန္တလေးယဉ်ကျေးမှုပြတိုက်သည် မန္တလေးနန်းတော်၏အနောက်ဖက် လမ်း၈၀ နှင့် ၂၄ လမ်းထောင့်တွင် တည်ရှိပါသည်။ ရတနာပုံနေပြည်တော်ကို စိုးစံခဲ့သည့် မင်းတုန်းမင်း နှင့် သီပေါမင်းတို့၏ အသုံးအဆောင်များ၊ ဘုရင်ခံ၊ စစ်သူကြီး၊ ဝန်ကြီးတို့၏ အဆင်တန်ဆာအဝတ်အစားများ စသည်ဖြင့် ရတနာပုံခေတ်တွင် အသုံးပြုခဲ့သော အဆောင်အယောင်ပစ္စည်းများ ပြသထားပါသည်။ ပြတိုက်သည် တနင်္လာနေ့မှအပ ကျန်နေ့များတွင် နံနက် ၁၀ နာရီမှ ညနေ ၃ နာရီခွဲအထိ ဖွင့်လှစ်ပါသည်။