ကလောမြို့ အရှေ့မြို့ပတ်လမ်းတွင် တည်ရှိသည်။ ၁၉၁၈ ခုနှစ်တွင် ရန်ကုန်မြို့မှ ဂျူးလူမျိုး စီးပွားရေးလုပ်ငန်းရှင် မစ္စတာဆော်လမွန်က အားလပ်ရက်နေအိမ်အဖြစ် ဆောက်လုပ်ခဲ့ခြင်းဖြစ်သည်။ အိမ်၏ လှပသောတံခါး၊ ပြတင်းပေါက်ဘောင်များ၊ မြင့်မားသည့် မီးခိုးခေါင်းတိုင်နှင့် ကြီးမားသော ပြတင်းပေါက်ကြီးများကြောင့် “နန်းတော်” ဟု ခေါ်ဝေါ်ကြသည်။ မှန်ပြတင်းပေါက်များ အများအပြား တပ်ဆင်ထားသောကြောင့် "The Glass House" ဟုလည်း လူသိများသည်။