ကိုဗစ်ကူးစက်မှု ဟန့်တားရေး ရန်ကုန်တိုင်း လူထုလှုပ်ရှားမှု

ကိုဗစ်ဒဏ်အခံရဆုံး ရန်ကုန်မှာ ဆက်လက်ကာကွယ်နှိမ်နင်းနိုင်ရေး၊ Stop Covid 19 Campaign အဝါရောင်လှုပ်ရှားမူကြီးကို၊ တိုင်းဒေသကြီး ဝန်ကြီးချုပ်ဦးဆောင်ကာ၊ မနေ့က စတင်ဖွင့်လှစ်လိုက်ပြီး၊ ထင်ရှားတဲ့ အနုပညာရှင်တွေလည်း ပါဝင်ခဲ့ကြပါတယ်။

ရန်ကုန်မှာ ကိုဗစ်ပိုးစစ်ဆေးတွေ့ရှိမူ အရင်ထောင်ဂဏန်းကနေ၊ အခု ရာဂဏန်းအဆင့်အဖြစ်၊ တနေ့က ၄၀၀ အောက်အထိပါကျဆင်းလာချိန်မှာ၊ ပိုကျသွားဖို့၊ ခုလို ကိုဗစ်ရပ်တန့်ရေးလူထုလှုပ်ရှားမူကြီး နေရာအနှံ့လုပ်ဖို့ စတင်လိုက်တာပါလို့၊ တိုင်းကျန်းမာရေးဦးစီးမှူးက ဆိုပါတယ်။

တိုင်းကျန်းမာရေးဦးစီးမှူး ဒေါက်တာထွန်းမြင့်က၊ အဓိက ကိုဗစ်စည်းကမ်းကြီး (၃) ချက်ဖြစ်တဲ့ (၁) Mask ပါးစပ်နဲ့နှာခေါင်းစည်းတပ်ပါ၊(၂) လက်ဆေးပါ၊ (၃) ခပ်ခွာခွာနေပါ ဆိုတာကိုပဲ၊ ပြည်သူအားလုံးက အသိပေး၊ သတိပေးလိုက်နာတဲ့၊ ပုံမှန်ဘဝသစ်အပြုအမူတွေပြောင်းသွားဖို့ လှုံဆော်တာပါလို့၊ VOA ကို ပြောပါတယ်။

ဒီလှုံ့ဆော်မူအဝါရောင်ဆိုင်းဘုတ်ကြီးကို ရန်ကုန်မြိုတော်ခန်းမရှေမှာ၊ ဒီစည်းကမ်းချက် (၃) ချက်ပါ အဝါရောင် T-Shart တွေဝတ်ထားသူများစွာနဲ့ ဖွင့်လှစ်လိုက်တာအပြင်၊ ဒီ T-Shirt တွေကိုထပ်ဖြန့်ပြီး၊ စည်းကမ်း (၃) ချက်ပါ အဝါရောင်ဆိုင်းဘုတ်နဲ့စာတန်းတွေကိုလည်း၊ ထင်သာမြင်သာတဲ့လမ်းမ၊ လမ်းဆုံ၊ ဓာတ်တိုင်၊ ဈေး၊ ဘတ်စကား၊ ရထား စတာတွေမှာ အနှံ့ကိုကပ်သွားမယ်လို့ ဒေါက်တာထွန်းမြင့်က ဆက်ပြောပါတယ်။

ခုလိုအချိန်မှာ မြန်မာတနိုင်ငံလုံးCOVID ပိုးတွေ့သူသစ် (၇၅၈) ယောက်ထပ်တိုးပြီး စုစုပေါင်းပိုးတွေ့သူ (၁၂၀ ၅၀၀) ကျော်လာကာ ၊သေဆုံးသူ (၂၀) ထပ်တိုးတာကြောင့် စုစုပေါင်းသေဆုံးသူကလည်း (၂၅၅၂) ယောက်ရှိသွားပြီလို့၊ကျန်းမာရေးနဲ့ အားကစားဝန်ကြီးဌာနကမနေ့ညက ထုတ်ပြန်ပါတယ်။

ဒီ မနေ့ ည ၈ နာရီထုတ်ပြန်ချက်အရ၊ စုစုပေါင်း(၁၉,၅၄၃) ဦးကိုစစ်ဆေးရာကနေ၊ ခုလို(၃.၈၈%) သာပိုးတွေ့ပြီး၊ဆေးရုံဆင်းခွင့်ရရှိသူ (၁,၀၁၃) ယောက်ရှိတာကြောင့် စုစုပေါင်းပြန်ကောင်းလာသူ (၁၀၀ ၉၀၀) ကျော်အဖြစ် (၈၃%) ကျော်လာကာ၊ဓာတ်ခွဲစစ်ဆေးမူစုစုပေါင်းကလည်း(၁,၇၀၀,၀၀၀) ကျော်လာချိန်မှာ၊ သေဆုံးမူကတော့ (၂.၁၂ %) ရှိနေပါသေးတယ်။

VOA News