မန္တလေးဘူတာကြီးသည် မန္တလေးမြို့၊ ချမ်းအေးသာစံမြို့နယ် ၇၈ လမ်း နှင့် လမ်း ၃၀ တွင်တည်ရှိပြီး ၇ ထပ်မြင့်သော အဆောက်အအုံဖြစ်ကာ မြန်မာနိုင်ငံရှိ အကြီးဆုံး ဘူတာရုံများထဲမှ တစ်ခုဖြစ်သည်။ ရန်ကုန်-မန္တလေး မီးရထားလမ်းသည် မန္တလေးဘူတာကြီးတွင် ဂိတ်ဆုံးပြီး ပြင်ဦးလွင်၊ လားရှိုး၊ မုံရွာ၊ ပခုက္ကူ၊ ဂန့်ဂေါ နှင့် မြောက်ဘက်တွင် ရွှေဘို၊ ကောလင်း၊ ကန့်ဘလူ၊ မိုးညှင်း၊ ဟိုပင်၊ မိုးကောင်းမြို့နှင့် မြစ်ကြီးနားမြို့များသို့ မီးရထားလမ်းခွဲများ စတင်ရာ နေရာလည်းဖြစ်သည်။
