ကျွန်းဖီလာသည် ကော့သောင်းခရိုင်အတွင်းရှိ ဆလုံတိုင်းရင်းသားများ နေထိုင်သော ဂျအုံးကျေးရွာတည်ရှိသည့် ကျွန်းတစ်ကျွန်းဖြစ်ပါသည်။ ပီလာကျွန်းဟုလည်းခေါ်သော ကျွန်းဖီလာတွင် ကျယ်ပြန့်ရှည်လျားသော ဖြူဖြူဖွေးဖွေး သဲသောင်ပြင်များရှိပြီး လာရောက်လည်ပတ်သူများသည် သောင်ပြင်တွင်စုဝေးနေသော မျောက် များအားရံဖန်ရံခါတွင် တွေ့မြင်နိုင်ပါသည်။ ကျွန်း၏နေရာအများစုသည် ခရီးသွားများနှင့် မထိတွေ့ရသေး သောနေရာများဖြစ်၍ အလွန်လှပသန့်ရှင်းပါသည်။ ကျွန်းဖီလာတွင် ရွက်လှေစီးခြင်း၊ လှေလှော်ခြင်းတို့ကိုပြုလုပ်နိုင်ပြီး အရောင်စုံသော သန္တာကျောက်တန်းများသည်လည်း ခရီးသွားများအား ကျွန်းဖီလာသို့ လာရောက်လည်ပတ်ရန် ဖိတ်ခေါ်နေသကဲ့သို့ရှိပါသည်။
