ကန်တော်မင်္ဂလာသည် မန္တလေး၊ ချမ်းမြသာစည်မြို့နယ်၊ တမ္ပဝတီရပ်ကွက်၊ စစ်ကိုင်း-မန္တလေးကားလမ်းဘေး မဟာစန္ဒာမုနိစေတီတော် ပရဝဏ် အတွင်း၌တည်ရှိသည်။ အမရပူရမြို့ကို တည်ထောင်ခဲ့သော ဘိုးတော်ဗဒုံမင်း မှ တူးဖော်ကုသိုလ်ပြုခဲ့သည်။ သက်တမ်း နှစ်ပေါင်း ၂၂၀ ခန့် ရှိသော ကန်တော်မင်္ဂလာသည် အပြင်တံတိုင်း၊ အတွင်းတံတိုင်း နှစ်ထပ်ကာရံထားပြီး အပြင်တံတိုင်း အလျား ၁၂၄ ပေ ပတ်လည်အတွင်းတံတိုင်း အလျား ၇၇ ပေ ပတ်လည်ရှိသည်။ အတွင်းတံတိုင်း ထောင့်လေးထောင့်တွင် စေတီတစ်ဆူစီ တည်ထားကိုးကွယ်ထားသည်။ အပြင်တံတိုင်းမှ အတွင်းတံတိုင်းထိလှေကားထစ်ပေါင်း ၁၉ ထစ် ရှိသည်။
