သီရိမာလာဈေးသည် မန္တလေးမြို့နှင့် အထက်မြန်မာပြည်ရှိ မြို့များသို့ ငါး၊ ပုစွန် စသည့် ရေထွက် ကုန်ပစ္စည်းများကို ဖြန့်ဖြူးရောင်းချပေးလျက်ရှိသည့် အဓိကလက်ကားဈေးတစ်ခုဖြစ်သည်။ အဆိုပါ ဈေးတွင် ပွဲရုံနှင့် ဈေးဆိုင်ခန်းပေါင်း ၄၇၀ ကျော်၊ ပျံကျဈေးသည် ၂၅၀ ဝန်းကျင်ခန့်ရှိပြီး ရေထွက်ကုန် အပြင် ကုန်စိမ်းနှင့်ပန်းများကို လက်လီလက်ကားရောင်းချလျက်ရှိသည်။
