ပဲခူးတိုင်းဒေသကြီး၊ ဝေါမြို့နယ်နှင့် မွန်ပြည်နယ်၊ မုပ္ပလင်မြို့နယ်တို့အကြားရှိ စစ်တောင်းမြစ်ကို ဖြတ်သန်းဖောက်လုပ်ထားသည့် တံတားတစ်စင်း ဖြစ်သည်။ ၂၀၀၅ ခုနှစ် ဇန်နဝါရီလ ၂၆ ရက်နေ့တွင် စတင်ဆောက်လုပ်ခဲ့ပြီး ၂၀၀၈ ခုနှစ် ဇူလိုင်လ ၁၂ ရက်နေ့တွင် ဖွင့်လှစ်ခဲ့သည်။ ပင်မတံတားမှာ သံမဏိသံပေါင်တံတား အမျိုးအစားဖြစ်ပြီး တံတားအရှည်မှာ ၁၃၆၅ ပေရှိသည်။ ချဉ်းကပ်တံတားများအနေဖြင့် ကျိုက်ထိုဘက်ကမ်း၌ ၂၄၄ ဒသမ ၁ ပေ၊ ဝေါဘက်ကမ်း၌ ၇၈၃ ဒသမ ၆ ပေရှိပြီး သံကူကွန်ကရစ် ချဉ်းကပ်တံတားများဖြစ်သည်။ တံတား၏ စုစုပေါင်းအရှည်မှာ ၂၃၉၂ ဒသမ ၇ ပေရှိသည်။ မော်တော်ယာဉ်သွားလမ်းအကျယ် ၂၈ ပေရှိပြီး တစ်ဖက်လျှင် ခြောက်ပေစီကျယ်သည့် လူသွားလမ်းပါရှိသည်။ ယာဉ်တစ်စီးချင်းခွင့်ပြုတန် ၆၀ ခံနိုင်ဝန်ရှိသည်။ တံတားအောက် ရေလမ်းကင်းလွတ်နယ်အကျယ် ၂၉၅ ပေနှင့် အမြင့် ပေ ၂၀ ရှိသည်။
# စစ်တောင်းမြစ်ကူးတံတား(မုပ္ပလင်တံတား)