ကချင်ပြည်နယ်၊ မချမ်းဘော၊ ပူတာအိုနှင့် နောင်မွန်းမြို့နယ်များအတွင်း တည်ရှိသည်။ ၂၀၀၃ ခုနှစ်တွင် စတင်တည်ထောင်ခဲ့ပြီး စတုရန်းကီလိုမီတာ ၂၇၀၃.၉၅ ကျယ်ဝန်းသည်။ တောင်ပေါ်တော(ထင်းရှူး)၊ ရွက်ကြွေတော၊Alpine Shrubs၊Mountainous Temperate Forest သစ်တောအမျိုးအစားများ ပေါက်ရောက်ကြသည်။ ချေ၊ (ဂျီ)၊ မျောက်လွှဲကျော်မျက်ခုံးဖြူ(Eastern Hoolock Gibbon)၊တောင်ဆိတ်နီ(Red Goral)၊မြွေပါ(Small Asian Mongoose)၊ တောခွေးနှင့် ငှက်မျိုးစိတ်တချို့ ကျက်စားနေထိုင်ကြသည်။
ကြည့်ရှုလေ့လာနိုင်သောအခွင့်အလမ်းများ
- ငှက်မျိုးစိတ် ၃၇၀ မျိုး၊ လိပ်ပြာမျိုးစိတ် ၃၆၀ မျိုး၊ ကုန်းနေရေနေနှင့် တွားသွားသတ္တဝါ ၈၂ မျိုးတို့အား လေ့လာနိုင်ခြင်း၊
- ဆောင်းကာလ ဆီးနှင်းဖုံးတောင်ပေါ် သဘာဝရှုခင်း၊ သဘာဝတောင်ပေါ် ထင်းရှူးတော၊ တောင်ဇလပ်တောများတွင် လေ့လာခံစားနိုင်ခြင်း၊
- တောတွင်း ဖောင်စီး ခရီးကြမ်းသွားလာခံစားနိုင်ခြင်း၊
- ဖုန်ကန်ရာဇီဒေသ ဇီဝမျိုးစုံမျိုးကွဲလေ့လာနိုင်ခြင်းနှင့် သုတေသနပြုနိုင်ခြင်း။