မြောက်ဦးမြို့ လေးမျက်နှာပုထိုးတော်ကြီးနှင့်ကပ်လျက် မြောက်ဘက်တွင် တည်ရှိသည်။ သက္ကရာဇ် ၇၉၅ ခုနှစ်တွင် ဘုရင်မင်းစောမွန်၏ ညီတော် နရနုမင်းသားက နောင်တော်၏ကောင်းမှုတော် လေးမျက်နှာပုထိုးတော်ကြီးအနီး၌ ဤစေတီကို တည်ထားကိုးကွယ်ခဲ့သည်။ ညီတော်စေတီ၏ ဂူထဲတွင် ဉာဏ်တော်အမြင့် ၁၀ ပေခန့်ရှိသော ကျောင်းဆင်းတုတော်တစ်ဆူ ကိန်းဝပ်လျက်ရှိသည်။ ဂူထဲသို့ဝင်ပေါက်၏ လက်ဝဲလက်ယာတို့၌ ဂူပေါက်ငယ် ၂၈ ခုရှိပြီး ထိုဂူပေါက်ငယ်တစ်ခုစီတွင် ဆင်းတုတော်တစ်ဆူစီ ကိန်းဝပ်စံပယ်လျက်ရှိသည်။
