မကွေးတိုင်းဒေသကြီး၊ ချောက်မြို့မှ ၂၄ မိုင်ခန့်အကွာ၊ ပခန်းငယ်ကျေးရွာတွင် တည်ရှိပါသည်။ သာမန်မြေစိုက်စေတီတစ်ဆူဖြစ်ပြီး အေဒီ ၁၉ ရာစု၊ ရတနာပုံခေတ်လက်ရာဖြစ်သည်။ နာမ်တော်ပေါက်စေတီကို မင်းတုန်းမင်းလက်ထက်တွင် ကုခန်းငယ်မြို့သူကြီး ဦးသိုက်တူက ရှင်ပင်ကာဆီးဘုရား၊ ပုဂံမျှော်ဘုရားတို့နှင့် တန်းလျက် အနောက်မြောက် ယွန်းယွန်းတွင် တည်ထားခဲ့သည်။ ပစ္စယာသုံးဆင့်ပြုလုပ်ထားကာ ရှစ်မြှောင့်ကြည့်ဝန်းခံ၍ စေတီပေါက်ထားပြီး စေတီတော်ထောင့်လေးထောင့်တွင် ခြင်္သေ့ရုပ်တစ်ကောင်စီ တန်ဆာဆင်ထားသည်။ ခေါင်းလောင်းပုံနှင့် သပိတ်မှောက်တွင် အင်္ဂတေပန်းများ ထုလုပ်ထားသည်။
