ရှမ်းပြည်နယ်(တောင်ပိုင်း)၊ မိုးနဲမြို့အဝင် လမ်း၏ယာဘက်အနီးတွင် တစုတဝေးတည်း တည်ရှိနေပါသည်။ မြန်မာသက္ကရာဇ် ၁၀၇၂ တွင် မိုးနဲစော်ဘွားကြီး စဝ်ခွန်အံက ဤနေရာ၌ ဘုရားစေတီများ စတင်တည်ထားခဲ့ပြီး နောက်ပိုင်းတွင် ဒေသခံများက ဆက်လက်၍ ဘုရားစေတီများ တည်ထားကိုးကွယ်ခဲ့သည်ဟု သိရပါသည်။ ယခုအခါ မွေတော်စုဘုရားဝန်းအတွင်း၌ ဘုရားစေတီပေါင်း ၅၁ ဆူခန့်ကျန်ရှိပြီး အချို့သော ဘုရားစေတီများကို အသစ်ပြန်လည် တည်ထားကိုးကွယ်ထားသည်။
