ကော့သောင်း ဇန်နဝါရီ ၁၆
ကိုဗစ်အလွန်ကာလ ကော့သောင်းမြို့နယ်ရှိ အပန်းဖြေစရာ မလိဝမ်း သဘာဝရေတံခွန်နှင့် သဘာဝရေပူစမ်းသို့ အပန်းဖြေလည်ပတ်နိုင်ရန် TZK ဟိုတယ်နှင့် ခရီးသွားလုပ်ငန်းကုမ္ပဏီက ရေတံခွန်နှင့် ရေပူစမ်းပတ်ဝန်းကျင်စိမ်းလန်းစိုပြည်ရေး၊ အပန်းဖြေအနားယူရန်နေရာများ၊ ဘန်ဂလိုအဆောက်အအုံများ၊ ခေတ်မီအသုံးအဆောင်ပစ္စည်းများနှင့် သဘာဝအလှမပျက်ယွင်း စေရန် ဖန်တီးမွမ်းမံတည်ဆောက်ထားကြောင်း သိရသည်။
အဆိုပါနေရာများသို့ ယခင်ကာလများက ဒေသခံပြည်သူများအပြင် နိုင်ငံခြားခရီးသွား ဧည့်သည်များပါ အနားယူအပန်းဖြေလာရောက်ကြပြီး ကိုဗစ်-၁၉အလွန်ကာလ ခရီးသွားလုပ်ငန်း များ ပြန်လည်ဖွံ့ဖြိုးလာမည်ဖြစ်ကြောင်း သိရသည်။
မလိဝမ်းကျေးရွာသည် အိမ်ခြေ ၁၀၀၀ ကျော်ခန့်ရှိပြီး ကျေးရွာပြည်သူများမှာ မိရိုးဖလာ ဥယျာဉ်ခြံ၊ ရော်ဘာခြံ၊ လယ်ယာစိုက်ပျိုးရေးလုပ်ငန်းများဖြင့် အသက်မွေးဝမ်းကျောင်းပြုကြ ကြောင်းနှင့် ကော့သောင်းမြို့မှ မြောက်ဘက်သို့ ပြည်ထောင်စုလမ်းမကြီးအတိုင်းသွားမည် ဆိုပါက ၂၅ မိုင်ခန့်အကွာတွင်ရှိကြောင်း သိရသည်။ ကျော်စိုး(ကော့သောင်း)
