ကင်းစေတီတော်သည် စစ်ကိုင်းတိုင်းဒေသကြီး၊ ဟုမ္မလင်းမြို့နယ်၊ နောင်ပိုအောင်ကျေးရွာတွင် တည်ရှိပါသည်။ သီရိဓမ္မာသောကမင်းကြီး ကောင်းမှု စေတီပေါင်းရှစ်သောင်းလေးထောင်တွင် တစ်ဆူအပါအဝင်ဖြစ်ပြီး မူလပထမတည်ထားသော စေတီမှာ ဉာဏ်တော် ငါးတောင်နှစ်မိုက်လေးသစ်မျှရှိသော စေတီတော်ဖြစ်ပါသည်။ ယခုလက်ရှိ ဖူးမြင်ရသော စေတီတော်မှာ မြန်မာသက္ကရာဇ် ၁၃၀၆ ခုနှစ်တွင် တောကျောင်းဆရာတော်၊ နောင်ပိုအောင်ရွာမကျောင်းဆရာတော် ဦးဆောင်၍ ဂိုဏ်းတွင်းသံဃာတော်များ၊ ရပ်ရွာဒါယကာ ဒါယိကာမများစုပေါင်း၍ မူလစေတီတော်မှ စ၍ ရေတွက်လျှင် ၅ ကြိမ်မြောက်အဖြစ် ဥာဏ်တော်မြှင့်ပြီး ပြုပြင် မွမ်းမံတည်ထားခဲ့သော စေတီတော်ြဖစ်ပါသည်။
