ဗမိုး (၁၉၃၀ - ၂၀၀၆)

၁၉၃၀ ဒီဇင်လာ(၂၅)ရက်၊ ပဲခူးတိုင်း ပြွန်တန်ဆာမြို့၌ အထည်အလိပ်နှင့် လက်ဖက်ရည်ဆိုင်ရှင် ဦးကာ၊ ဒေါ်အေးတို့မှ ဖွားမြင်သည်။ မွေးချင်းငါးယောက်အနက်မှ နို့ညှာဖြစ်သည်။

၁၉၄ရခုနှစ် ရန်ကုန်တက္ကသိုလ်ရောက်ပြီး ဘီအိုစီကောလိပ်မှ ပိသုကာပညာ ဆည်းပူးသည်။

၁၉၅ဝခု၊ နှစ်ဦးပိုင်းမှ စာရေးဆရာ စံထွန်းအောင်(မောင်ဉာဏ်ဝန်)နှင့်တွေ့ပြီး သူဦးဆောင်လှုပ်ရှားလျက်ရှိသော တိုးတက်ရေးနေ့စဉ် သတင်းစာကြီးမှာ တက်ကျမ်းဆောင်းပါးများ စတင်ရေးသားသည်။ ဘိုးအေကြီး ပီမိုးနင်းကို အားကျခြင်း၏ အကျိုးဆက်ဖြစ်သည်။ ၁၉၆၃ခု၊ ဇွန်လ၌ စာပေဖခင်ကြီးတစ်ဦးဖြစ်သော ဆရာတက်တိုး၏ ကျေးဇူးဖြင့် သွေးသောက် မဂ္ဂဇင်း၌ ပထမဆုံး ပင်ကိုယ်ရေးဝတ္ထုတို ရေးဖြစ်သွားခဲ့သည်။ “ဗမိုး” ကလောင်အမည်ကို ပထမဆုံး စတင်သုံးစွဲပြီး ၁၉၆၅ခုနှစ်၌ ကလောင်အမည်ကို လူအမည်အဖြစ်သို့ ဆင့်ပွားခံယူလိုက်သည်။ ၁၉၆၃ခု မတိုင်မီအထိ ကလောင်အမည်မှာ ကို(ပြွန်တန်ဆာ) ဖြစ်သည်။

၁၉၅၂ ခုနှစ်တွင် ပြည်ထောင်စုမြန်မာနိုင်ငံ ဗဟိုဘဏ်သို့ ဘဏ်ကြီးကြပ်ရေးမှူးအဖြစ် ပြောင်းရွေ့အမှုထမ်းသည်။ အိုင်အေ(ဥပစာ) အထက်တန်းကို ဘောဂဗေဒ ဘာသာရပ်ဖြင့် သက်ကြီးတက်ကသိုလ် တက်ရောင်အောင်မြင်ခဲ့သောကြောင့် ဖြစ်၏။ ပြည်ထောင်စုဘဏ်၌ အမှုထမ်းရင်း ဝိဇ္ဇာဘွဲ့ကို (၁) အင်္ဂလိပ်၊ (၂) ဘောဂဗေဒ၊ (၃) စိတ်ပညာ-ဗုဒ္ဓဘာသာတွဲဒဿနတို့ဖြင့် ရရှိကာ ပြည်ထောင်စုဘဏ် သုတေသနနှင့် စာရင်းဌာန၌ “ဘောဂဗေဒမှူး”အဆင့်သို့ တိုးမြှင့်ရရှိသွားသည်။ လုပ်သားများကောလိပ် အင်္ဂလိပ်စာဌာန၌ အင်္ဂလိပ်စာနည်းပြ ပို့ချဆရာအလုပ်ကို အချိန်ပိုင်းနှင့်ဝင်လုပ်သည်။ ၁၉၈၄-၈၅တွင် နိုင်ငံခြားဘာသာသိပ္ပံ ၌ အချိန်ပိုင်းအင်္ဂလိပ် ကတိကအဖြစ် ပို့ချရေးတာဝန်ထမ်းသည်။

ပြည်ထောင်စုဘဏ် ဘောဂဗေဒမှူးအဖြစ်နှင့် (၁) အစ္စရော့လ်ဗဟိုဘဏ် (၁၉၅၉-၆၀)၊ (၂)အချက်ကိုစလိုဘက်ဗဟိုဘဏ် (၁၉၆၅-၆၆)၊ (၃) အပြည်ပြည်ဆိုင်ရာ ငွေကြေးရန်ပုံငွေအဖွဲ့ (ဝါရှင်တန် ၁၉၇၄-၇၅)တွင် ငွေကြေးနှင့်ဘဏ်လုပ်ငန်း ၊ ဝန်ထမ်းရွေးချယ်သင်ကြားလေ့ကျင့်ရေးပညာရပ်များ သွားရောက်ဆည်းပူးခဲ့သည်။ ချက်ကိုစလိုဘဏ်မှ ဘဏ်လုပ်ငန်းနှင့် ဝန်ထမ်းလေ့ကျင့်ရေးဒီပလိုမာရရှိခဲ့သည်။ JMF သင်တန်းဆင်း လက်မှတ်ရခဲ့သည်။ တစ်ဖက်တွင်လည်း သုတ၊ ရသ၊ ဒဿန စာမျိုးစုံ ဖတ်ခဲ့၊ တွေးခဲ့၊ရေးခဲ့သည်။ ဘဝရပ်တည်ရေးအတွက် ကျေးရွာဘုရားပွဲများ၌ လှည့်လည်၌ လက်ဖက်ရည်ရောင်းခဲ့သော မိခင်ကြီးနှင့်အတူ လိုက်ပါရာမှ ရရှိခဲ့သော ဝါသနာဗီဇဖြင့် ဇာတ်သဘင်နှင့် ဂီတ၌ နှစ်ခြိုက်ရင်းစွဲရှိကာ ၁၉ရ⁠ရခုနှစ်တွင် “ ပြဇာတ်နှင့် ဇာတ်သဘင်” ခေတ်အမြင် ဆောင်းပါး ပေါင်းချုပ်စာအုပ် ထုတ်ဝေဖြစ်ခဲ့သည်။ ရေးသားထုတ်ဝေပြီးသောစာအုပ်များ-

ဘာသာပြန် ဝတ္ထုရှည်

ဆရာချစ်(Goodbye, Mr Chips) ၁၉၆၉။

The Return of the Native by Thpmas Hard အိမ်အပြန် (၁၉၆၉)။

ချစ်သူချစ်သော-ချစ်သောချစ်သူ၊ ၁၉၇၄။ When A Woman Loves By Denise Rorins.

The Evergreen by Belva Palon စိမ်းမြမြမှိုင်းရီ။

ဘာသာပြန် ဝတ္ထုတိုပေါင်းချုပ်များ(၁၉၇၀-၇၇)

နိုင်ငံတကာအမေ

နိုင်ငံတကာအဖေ

ဘဝရှင်မိန်းမသား

ပင်ကိုယ်ရေး ပြဇာတ်ရှည်

ပုဂံမြေမှ အမေတစ်ယောက်(၁၉၈၀-၈၄) ထို့ပြင် အင်္ဂလိပ်စာ၊ စကားလေ့ကျင့်ရေး စာအုပ်များနှင့် စီးပွားရေးစာအုပ်များ ရေးခဲ့သည်။

For Love’s Sake, The Grohian 1965 ဆက်လက်၍ ဖတ်။ တွေး၊ ရေးအားကောင်းဆဲဖြစ်၏။

သားတစ်ယောက်၊ သမီးတစ်ယောက်နှင့် မြေးသုံးယောက်တို့နှင့်အတူ နေထိုင်လျှက်စာပေမှ ဆင့်ပွားဝါသနာအရ ရေဒီယို၊ ကက်ဆက်နှင့်ရုပ်ရှင်ဇာတ်လမ်းများ၌ လူကြီးသရုပ်ဆောင်အဖြစ် အခါအားလျော်စွာ ပါဝင်လှုပ်ရှားခဲ့သည်။ ၂၀ဝ၆ခုနှစ်၊ ဖေဖော်ဝါရီလ (၉)ရက်နေ့၌ ရန်ကုန်မြို့တွင် ကွယ်လွန်သွားခဲ့သည်။